چُپ چپیتے نیویں پا کے بیٹھے رئے،شبیر حسین بٹ

چُپ چپیتے نیویں پا کے بیٹھے رئے،
ویلے توں دستار بچا کے بیٹھے رئے۔
ہنجُو اکھیاں وچ لُکا کے بیٹھے رئے،
بُلیاں تے مُسکان سجا کے بیٹھے رئے۔
اپنے آپ دے نال مُتکٓا لایا سی،
اپنے آپ نُوں مار مکا کے بیٹھے رئے۔
ریکھاں دے وچ تیرا نانواں لکھنا سی،
لیکھاں دے نال سِنگھ پھنسا کے بیٹھے رئے۔
ہجر دی راتیں کھول کے بُوہے یاداں دے،
اکھیاں دے وچ دیپ جگا کے بیٹھے رئے۔
(شبیر حسین بٹ)

(Visited 10 times, 1 visits today)

Leave a Reply

Your email address will not be published. Required fields are marked *