جینیاتی انجینئرنگ نیوکلیئر ہتھیاروں سے زیادہ خطرناک ہوگی،پوٹن

سوچی :سٖفاک انسان پیدا ہونگے،روسی صدر کا انکشاف,روس کے صدرولادیمیرپوٹن نے دنیا کوخبردارکیاہے کہ انسانوں کی جینیاتی پروگرامنگ نیوکلیئرہتھیاروں سے زیادہ خطرناک ثابت ہوگی،اس ٹیکنالوجی سے بے رحم ترین فوجی بھی پیداکیے جاسکیں گے۔

سوچی میں نوجوانوں اورطلبہ سے خطاب کرتے ہوئے روس کے صدرپوٹن نے کہا کہ جینیاتی انجینئرنگ ادویہ سازی سمیت کئی شعبوں میں انہتائی سودمندہے مگر جینیاتی انجینئرنگ سے مخصوص صلاحیتوں کے حامل انسان بھی پیداکیے جاسکیں گے۔

روسی صدر نے کہاکہ جینیاتی انجینئرنگ سے ذہین ترین ریاضی دان اورماہرموسیقی پیداکیاجاناہی تصورنہیں کیاجاناچاہیے بلکہ جینیاتی انجینئرنگ ہی سے ایسافوجی بھی پیداکیاجاسکے گاجوسفاک وبے رحم ہو۔

تکلیف محسوس نہ کرنے والے اورکیے پرشرمندہ نہ ہونے والے فوجی پیداکیے گئے توسفاکیت انتہاپرپہنچ جائیگی اور غیرذمہ داری کاایسامظاہرہ نیوکلیئرہتھیاروں سے زیادہ تباہ کن ہوگا۔انہوں نے کہا کہ انسانیت ایسے دورمیں داخل ہورہی ہے جہاں انتہائی ذمہ داری کی ضرورت ہے، انسانی اقدارکاخیال رکھاجاناانتہائی ضروری ہے۔

(Visited 3 times, 1 visits today)

Leave a Reply

Your email address will not be published. Required fields are marked *